Буюк Британиянинг ғарбида жойлашган Слиндон қишлоғида истиқомат қилувчи Марк Форд ўз қишлоғида рангли қовоқлардан санъат асари яратди, дея хабар қилди Топ-ньюс нашри.
У улкан сурат яратишда қовоқнинг бир нечта туридан фойдаланган. Шунингдек, Марк ўз ерларида ушбу полиз маҳсулотларининг антиқа турларини экиш ва етиштириш билан ҳам шуғулланади. Марк Форд томонидан ўтказилган қовоқ сайлига нафақат мамлакатнинг ўзидан, балки АҚШ, Австралия, Япония каби давлатлардан ҳам меҳмонлар келишмоқда.
