Шу кунларда Марказий Америкада шиддатли сув тошқинлари ва кўчкиларга сабаб бўлаётган ёғингарчиликлар давом этмоқда, деб хабар берди РИА новости нашри.
Табииий офат Куба, Мексика, Гондурас ва АҚШнинг Флорида штатини қамраб олган. Тошқин рўй берган жойлардан жами 7 минг киши эвакуация қилинди.
Маълумотларга кўра, Никарагуада балиқчилар қайиғи ағдарилиши туфайли 27 киши тан жароҳати олиб, шифохонага олиб кетилди. Коста Рикада бир бола бедарак йўқолган.
