Машҳур ямайкалик спринтер, саккиз карра Олимпиада чемпиони Усэйн Болт яқинда Австралиянинг “Сентрал Кост Маринерс” футбол клуби билан шартнома тузди, дея таъкидламоқда Вести нашри.
31 ёшли Болт ўз кучини профессионал футболда синаб кўрмоқчи.
Болт спринтерлик карьерасини тугатиб, бир неча клублар билан машғулотлар олиб бормоқчи бўлган. Австралия клуби билан тузилган шартнома унинг футбол карьерасидаги илк шартномадир.
“Дунёга ўзимнинг нималарга қодир эканлигимни кўрсатиб қўймоқчиман. Барчаси ўзимизнинг қўлимизда. Профессиональ футбол билан шуғулланмоқчи эканлигимни ўтган йилиёқ маълум қилгандим. Бу қўлимдан келишига ишонаман”, дейди Болт.
