Ислом Каримов номидаги халқаро Тошкент аэропортида йўловчилар ва юкларни мустақил рўйхатдан ўтказиш синовдан ўтказилади.
“Ўзбекистон ҳаво йўллари” авиакомпаниясининг АКТни мувофиқлаштириш ва ривожлантириш бўлими бошлиғи Бахтиёр Худойбердиев хабар берганидек, бугунги кунда МАК бир қатор сабабларга кўра йўловчиларга онлайн рўйхатга олиш ёки расмийлаштириш ва юкларни топшириш пештахтаси каби оддий хизматларни тақдим этолмайди.
“Шу билан бирга, авиакомпания бундай тизимларни жорий этиш бўйича ишларни бошлаб юборди. Қисқа муддатда биз йўловчиларни рўйхатга олиш жараёнини жадаллаштириш имконини берувчи механизмни жорий этишни режалаштирмоқдамиз”, – деди Б. Худойбердиев.
Бир нечта вариантлар кўриб чиқилмоқда: онлайн рўйхатга олиш ва QR-код технологиясини жорий этишдан бошлаб мустақил рўйхатдан ўтиш киоскалариёки репринтинг терминалларини ўрнатишгача.
Мутахассиснинг айтишича, бундай муаммоларни ҳал қилиш учун ташкилий-ҳуқуқий компонентлар соҳасида ҳали кўп ишлар бажарилиши керак – миграцион тартибга солишнинг тегишли органлари ва меъёрий ҳужжатларнинг йўқлиги сабаб бу жараёнга катта тўсқинлик қилмоқда.
Юкни мустақил равишда рўйхатдан ўтказиш каби вазифалар учун терминалнинг биносида катта инфратузилмани ўрнатиш талаб қилинадиган автоматлаштирилган тизимга эҳтиёж борлиги маълум бўлди.
“Тез орада Миллий авиакомпания янги “Тошкент-4” йўналиши бўйича янги терминалда ўрнатилиши режалаштирилаётган бундай тизимларни синовдан ўтказади”, – дея қўшимча қилди Худойбердиев.
Мамлакатнинг барча аэропортларида паспорт назорати ўтказилгунга қадар зонада Wi-Fi тармоғини тақдим этиш, маҳаллий SIM-карталарни сотиш ва таксига қўнғироқ қилиш учун киоскаларни яратиш режалаштирилган.
