Кеча, 7 май куни соат 20 дан 14 дақиқа ўтганда Тошкент шаҳар ИИББ Ёнғин хавфсизлиги хизматига жисмоний шахсга тегишли «ЗиЛ» русумли автотранспортда ёнғин юзага келгани ҳақида хабар келиб тушди. Бу ҳақда ИИББнинг ахборот-мултимедиа маркази хабар берди.
Ушбу ёнғин Учтепа туманидаги "Дадил" кўчасида содир бўлган. Ўт ўчирувчилар тез фурсатда ёнғин содир бўлган ҳудудга етиб боришган ва саноқли дақиқаларда уни бутунлай бартараф этишган. Қурбонлар ва жабрланганлар йўқ. Ҳодиса сабаблари аниқлаштирилмоқда.
