Польшанинг Подкарпатск воеводалигида енгил моторли самолёт автомобиль йўлига мажбурий қўнишни амалга оширди, деб хабар берди Vesti.ru нашри.
Гувоҳларнинг маълумот беришича, А4 автомобиль йўлида ҳаракатланаётган ҳайдовчилар йўлга самолёт қўнганлигини кўриб, ҳайратга тушишган. Маҳаллий ОАВларнинг хабар беришича, самолёт двигатели ишдан чиққан. У Жешув-Ясенка аэропортидан узоқ бўлмаган жойга қўнган.
Самолёт авиамактабга тегишли бўлган. Қутқарув хизмати ёнлғи оқиб кетмаганлигини текширувдан ўтказмоқда. Фавқулодда ҳодиса ҳақида авиаҳалокатларни тергов қилувчи комиссияга хабар берилган. Йўлнинг бир томонини ёпиб қўйган самолётни мазкур комиссиянинг рухсатисиз четга олиб бўлмайди.
