Бугун профессионал боксда фаолият олиб бораётган ўзбекистонлик чарм қўлқоп устаси Улуғбек Холов Жанубий Осетиянинг Цхинвал шаҳрида ўзининг проф рингдаги еттинчи жангини ўтказади, деб хабар бермоқда қўмита матбуот хизмати.
Ушбу баҳсда ҳамюртимизга россиялик Сослан Тедеев рақиблик қилади.
Маълумот учун, 28 ёшли Улуғбек шу кунгача профессионал боксда 6та жанг ўтказган ва уларнинг барчасида ғалаба қозонган (3та нокаут). Россиялик 22 ёшли чарм қўлқоп устаси эса бунгача 18 маротаба рингга кўтарилиб, уларнинг 17 тасида рақибларини мағлубиятга учрата олган (11та нокаут). Битта жангда эса у имкониятни бой бериб қўйган. Томонлар ўртасидаги баҳс енгил вазн тоифасида бўлиб ўтади.
