30 май куни Андижон шаҳар ИИБга тушган ҳужжатларга кўра, Ўш шаҳрида яшовчи Қирғизистон фуқароси Х.Г. исмли 20 ёшли аёл ва Андижон вилоятида яшовчи Ўзбекистон фуқароси Н.Н. исмли 38 ёшли аёл, ўзаро жиноий тил бириктириб қўшмачилик билан шуғулланиб 2016 йил декабрдан 2018 йил февраль ойига қадар ёш аёлларни эркакларга қўшганликлари ва 2018 йил март ойида бир нечта ёш қизларни Ўзбекистондан Қирғизистон Республикасига олиб ўтиб, фохишалик билан шуғулланишга мажбур қилганликлари аниқланган.
Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берди.
Мазкур ҳолат юзасидан жиноят иши қўзғатилиб тергов ҳаркатлари олиб борилмоқда.
