Хорватиянинг Осиек шаҳрида спорт гимнастикаси бўйича нуфузли "Чақирув Кубоги" мусобақаси якунига етди.
Ушбу баҳсларда ҳамюртимиз Оксана Чусовитина ҳам иштирок этди. Қувонарлиси, Чусовитина ўзининг севимли таяниб сакраш машқларида энг юқори балл билан олтин медални қўлга киритди, деб хабар берди Миллий олимпия қўмитаси.
Словениялик Тьяса Кисселеф кумуш, россиялик Виктория Трикина бронза медалига сазовор бўлди.
Спорт гимнастикаси. Чақирув Кубоги
Осиек, Хорватия. Аёллар. Таяниб сакраш
1. Оксана Чусовитина (Ўзбекистон) – 14,233
2. Тьяса Кисселеф (Словения) – 13,800
3. Виктория Трикина (Россия) – 13,733.
