Уммоннинг Садах шаҳрига ёпирилган тўфон туфайли мамлакатнинг йирик аэропортларидан бири ёпилди, деб хабар берди ТАСС нашри.
Хабарга кўра, аэропорт сўнгги 24 соат давомида ишламаган ва барча рейслар бекор қилинган. Кучли шамол турар жой биноларига ва автомобилларга зарар етказган. Мамлакатнинг айрим жойларида фавқулодда ҳолат эълон қилинган.
Баъзи ҳудудларни сув босиши туфайли 17 киши ҳалок бўлгани хабар қилинмоқда. Уммон жанубидаги қирғоқларда ҳам бўрон кўтарилиши ҳақида маълумот берилди.
