Россия президенти Владимир Путин Қримва Россияни боғловчи йўлнинг очилиш маросимида иштирок этди, деб хабар берди Вести.ru нашри.
Россия президенти Владимир Путин Қрим кўпригининг автомобиллар учун мўлжалланган қисмидан “КамАЗ” русумли автомобилни бошқариб ўтди ва кўпркикни расман очиқ деб эълон қилди. У 19 километрли кўприк бўйлаб, 16 дақиқа ҳаракатланиб, Қримга етиб борди. Владимир Путин уни кутиб олган ишчилар гуруҳига ўз миннатдорчилигини билдирди.
“Мазкур кўприкнинг очилиши тарихий воқеадир. Барчангизни бу тарихий кун билан табриклайман. Чунки, турли даврларда, подшоҳлар даврида ҳам одамлар бундай кўприк қурилишини орзу қилишган. Ўтган асрнинг 30- 40-йилларида ҳам бу масала кўтарилган. Мана ниҳоят, сизнинг меҳнатларингиз эвазига лойиҳа амалга ошди, мўъжиза рўй берди. Биз бундан кейин ҳам бутун мамлакат бўйлаб шундай лойиҳалар устида ишлашда давом этамиз”, деди Владимир Путин.
Мазкур лойиҳага $ 3.60 миллиард миқдорида маблағ сарфланган. Керч бўғозидан ўтган янги кўприк Россия ва Қримни боғловчи энг қисқа йўлга айланди. 2019 йилда эса лойиҳанинг давоми бўлган темир йўл линияси ҳам қуриб битказилади. Маросимниҳоясига етгач, кўприк автомобиллар ҳаракати учун тўлиқ очилди.
