Жорий йилнинг 15-16 март кунлари Германия-Ўзбекистон ишбилармонлик кенгашида иштирок этиш учун Германия Федератив Республикасининг ишбилармон доираси ташриф буюради. Бу ҳақда ЎзА хабар бермоқда.
Ташриф доирасида икки давлат ишбилармонлари иштирокида бизнес форум ва кооперацион биржа ўтказиш режалаштирилган.
Делегация таркибидан Германиянинг қурилиш материаллари, қишлоқ хўжалиги машинасозлиги, автомобиль, кимё ва электротехника саноати, банк сектори, туризм, хизмат кўрсатиш ва бошқа соҳаларида фаолият юритаётган 70 дан ортиқ компанияси вакиллари ўрин олган.
