Қорақалпоғистонлик Даврон Кидирбаев айни пайтда Жанубий Кореяда таҳсил олмоқда. У Кореянинг MBC телеканалига саёҳат уюштирди ва «KRuz.uz» сайти учун махсус репортажни тақдим этди.
MBC (Munhwa Broadcasting Corporation) 1961 йилда ташкил топган. Ташкил қилинишида нодавлат нотижорат радиоканал бўлган MBC ҳозирда бош офиси пойтахтдаги Рақамли Медиа шаҳарда жойлашган.
MBC дунёнинг 13 давлатидаги 21та радио ва телеканаллари билан ҳамкорлик қилувчи корпорацияга айланган. 2001 йилда рақамли телеузатув тармоғини йўлга қўйган бўлса, 2011 йилдан бошлаб кўпканалли босқичга ўтган.
MBCнинг радио-каналлари рақамли мултимедиа тизимига ўтган бўлиб бу тизим Жанубий Кореяда ФМ радионинг ўрнини эгаллаган ва 24 соат давомида фаолият олиб боради.
MBCнинг энг баланд рейтингдаги кўрсатувлари қаторида «Радио Стар» телешоуси, «Sport news» теле-кўрсатуви, «Мусиқий марказ» телешоулари киради.
Биз билган машҳур «Сарой жавоҳири» ва «Жумонг» телесериаллари эса ҳатто MBC телеканали учун ҳам энг юқори рейтингли телесериаллар ҳисобланади, айнан, «Сарой жавоҳири» телесериали 91та давлатда эфирга узатилган.
