Фаластин ва Исроилда чоршанба куни бошланган ёмғир тинмай давом этмоқда.
Шиддатли ёмғир натижасида Иордан дарёсининг Жанубий-Ғарбий соҳилидан келиб чиққан тошқин икки боланинг ўлимига сабаб бўлган.
Маълумотларга кўра, Эл-Ҳалил шаҳридаги «Ал-Фаввор» қочоқлар лагерида яшовчи фаластинлик бу икки бола пайшанба куни бедарак йўқолиб қолган.
Фаластин Қизил Ярим Ой Жамиятининг хабарига кўра, уларнинг жасади зовурдан топилган.
Узлуксиз ёғингарчилик минтақага катта зарар етказди ва одамларнинг ўлимига сабаб бўлди.
Бундан ташқари, Исроилда курсантлар билан тўла автобус ағдарилиб кетиши оқибатида тўққиз киши ҳалок бўлган, бири бедарак йўқолган.
