Испания полицияси ва божхона ходимлари томонидан ўтказилган тезкор операция натижасида катта миқдордаги гиёҳванд модда аниқланиб, қўлга олинган.
Алхесирас портида мамлакатгаолиб киришга уринилганкокаин моддаси қўлга олинган бўлиб, унинг умумий вазни 9 тоннани ташкил қилади. Юк Колумбиянинг Турбо портидан жўнатилгани аниқланган. Кокаин моддаси контейнерларда бананлар орасига жойлаштирилган.
Испанияда гиёҳванд моддалар савдосига қаршихалқаро даражада кураш олиб борилмоқда.Бошқа мамлакатлар ва йирик ташкилотлар билан ҳамкорлик қилиш натижасида бу иллатга қарши муваффақиятли чоралар кўришга эришилмоқда. Ўтказилган галдаги тезкор операция бунга ёрқин мисолдир.
Мазкур ҳолат юзасидан 6киши гумон қилиниб, ҳибсга олинган. Уларнинг икки нафари Франциянинг Леон шаҳрида, 3 нафари Малагада ҳамда яна бири портнинг ўзида қўлга олинган. Алхесирас Европанинг энг йирик юк ташувчи портларидан бири ҳисобланади. Бу ерга ҳар куни дунёнинг турли ҳудудларидан кемалар келади.
