Май ойида Эрон ва Ўзбекистон миллий терма жамоалари ўртасида ўртоқлик учрашуви ўтказилади.
Ушбу учрашув Теҳрондаги "Озоди" стадионида бўлиб ўтади. Эрон терма жамоаси ўйин 19 майда ўтказилишини тасдиқлади. Карлуш Кейруш бошқарувидаги жамоа жаҳон чемпионати мезбони Россияга йўл олишидан олдин Туркия ва Греция билан ҳам ўртоқлик учрашуви ўтказади.
Маълумот учун, Эрон терма жамоаси бунгача тўрт марта жаҳон чемпионатида иштирок этган бўлиб, бирортасида гуруҳдан чиқа олмаган.
