Тошкент Ботаника боғи 9 майга қадар ёпиқ бўлади, деб хабар беради Facebook’даги «Потребитель.уз» гуруҳи аъзолари.
Қайд этилишича, айни пайтда боғда 9 майга тайёргарлик ишлари олиб борилмоқда. Йўлаклар таъмирланади, баъзи ўсимликлар қайта экилади. Қурилиш ишлари бошланган вақтда боғ очиқ бўлган, аммо кейинроқ хавфсизлик нуқтаи назаридан вақтинчалик ёпишга қарор қилинган.
Қуриб қолган кўл ҳудудида ҳам қурилиш ишлари бормоқда, у ерга ўриндиқлар ва саҳна ўрнатилади.
