Аввалроқ расмий Пхеньян ракета-ядровий синовлардан воз кечгани ҳақида маълум қилганди.
“Bloomberg” агентлиги тарқатган хабарга кўра, Шимолий Корея раҳбари Ким Чен Ин мамлакатдаги ядровий полигонда АҚШ томонидан текширув ўтказилишига розилик берган.
Қайд қилинишича, Ким Чен Ин АҚШнинг Марказий разведка бошқармаси раҳбари Майкл Помпео билан бўлган учрашувда мамлакатдаги ядро полигонида текширув ўтказилишига розилик бериб, Шимол хавфсизлиги кафолатланадиган бўлса, полигон ишини музлатмасликка ҳеч нима сабаб бўла олмаслигини билдирган.
Эслатиб ўтамиз, жорий йилнинг 21 апрелида Ким Чен Ин Корея меҳнат партияси сессиясида КХДР ракета-ядровий синовларидан воз кечганлиги, Пунгеридаги ядро полигони ўз ишини тўхтатиши ва мамлакат глобал ядроқуролсизланиш жараёнига қўшилишини маълум қилганди.
