Британиянинг The Mirror нашри Disney студиясида суратга олинган мультфильмларнинг бош қаҳрамонлари бўлмиш маликаларнинг қўлида тирноқ пластинкалари йўқлигини сезиб қолди, деб хабар берди lenta.ru нашри.
Журналистлар Золушка, Уйқудаги малика, Ариэль, Мулан ва Тианага эътибор қаратишди. Ҳаттоки, студиянинг илк мультфильми бош қаҳрамони ҳисобланган Оппоқойнинг ҳам тирноқлари йўқлиги маълум бўлди.
Нашрнинг хабар беришича, бу нарса қаҳрамонларнинг феъл-атворидан келиб чиқиб эмас, балки мультфильм яратиш жараёнида сарф-харажатни камайтириш мақсадида ўйлаб топилган.
Маликалардаги юқорида келтирилган аномалиядан ташқари, журналистлар яна бир фактни пайқашди. Эртак қаҳрамонларининг асосий қисми онасидан эрта айрилади ва аксарият кийган либоси кўк рангда бўлади. Кўк ранг персонажларнинг “кучли ва ишончли” инсонлар эканлигини бўрттириб кўрсатиш учун кўпроқ ишлатилган.
