АҚШнинг Нью-Йорк шаҳрида яшовчи 35 ёшли Рэнди Фотисейн ойпарастлик (лунатиклик) дан азият чекади, деб хабар берди Tengrinews.kz нашри.
У кечаси уйқусираб саккизинчи қаватда жойлашган уйининг деразасидан пастга тушиб кетган. Саккизинчи қаватдан қулаган Рэнди олтинчи қаватга етганда қурилиш бўлаётганлиги туфайли қўйилган тахта устига келиб тушган. Рэнди ўт ўчирувчилар ёрдамида пастга олиб тушилди ва касалхонага ётқизилди.
Унинг бўйни лат еган, қовурғаси ва оёғи синган.
Рэндининг онаси ўғли узоқ йиллардан бери ойпарастлик касаллигидан азият чекишини, ухлашдан олдин албатта уйқу дориси ичишини маълум қилди. Сўнгги пайтларда унга дори-дармон ҳам ёрдам бермай қўйган. Рэндининг қариндошлари уни яна деразадан қуламаслиги учун нималар қилиш кераклиги ҳақида бош қотиришмоқда.
