Хитойнинг Хэйлунцзян вилоятидаги Шуанъяшань шаҳрида йўловчилар шамол учириб юрган пулларни териб, эгасига қайтарди, деб хабар берди lenta.ru нашри.
Кўчада кетаётган йўловчилар 100 юан номиналли пулларнинг учиб юрганига гувоҳ бўлишди. Пуллар йиғилганда уларнинг нархи 4,8 минг юан эканлиги маълум бўлди.
Йўловчилардан бири бўлган тадбиркор Цзян Гунью бўлиб ўтган воқеа юзасидан банкка хабар берди. Унинг ташаббуси билан видеокузатув камералари текширилди. Видеода мижозлардан бири банкдан 15 минг юан олиб чиққани, уларни чўнтагига солаётганда пулнинг бир қисми тушиб қолганини сезмаганлиги маълум бўлди.
Банк мижознинг шахсини аниқлаб, у билан боғланди. Тушиб қолган пуллар тўлиқ эгасига қайтарилди. Пулнинг эгаси ростгўйлиги учун уни қидириб топишга ёрдам берган тадбиркорга 200 юан суюнчи пули ҳадя қилди. Бироқ тадбиркор суюнчи пулни олишдан бош тортди.
