Бразилиянинг шимоли-шарқий қисмида жойлашган Форталеза шаҳрида жойлашган тунги клублардан бирига бостириб кирган номаълум шахслар одамларга қарата ўқ узишди, деб хабар берди lenta.ru нашри.
Клубга тонгга яқин, одамлар кам қолган вақтда ҳужум уюштирилди. Ўт очган номаълум шахслар гиёҳвандлик моддаси савдоси билан шуғулланувчи маҳаллий жиноятчи гуруҳлардан бирининг аъзолари эканлиги тахмин қилинмоқда. Улар воқеа жойига учта машинада келишган. Ҳозирча жиноят сабаблари аниқ эмас. Жиноятчилардан бирортаси қўлга олинмаган.
