Бугун 7 январь куни Стокгольмнинг Худдинг туманида жойлашган “Ворю горд” метро бекатида турган одам қаровсиз ётган предметни қўлига олганда портлаш юз берди, деб хабар берди Lenta.ru нашри.
“Келиб тушган маълумотларга кўра, жабр кўрган эркак ерда ётган предметни олган. Предмет портлаб кетиб, эркакка жиддий жароҳат етказган. Жабрланган киши касалхонага ётқизилди”, – деб маълумот берди полициячилар.
Ҳуқуқ-тартибот идорасининг хабар беришича, фалокат тўғрисида 15:07 (Тошкент вақти билан) да хабар берилган. Воқеа жойи полиция томонидан ўраб олинган.
