Жанубий Африка Республикасида поезд иштирокида рўй берган йўл-транспорт ҳодисаси оқибатида ҳалок бўлганлар сони 12 нафарни ташкил этди, деб хабар берди Ntv.ru нашри.
Шунингдек, 260 киши жароҳатланган ҳолда шифохонага ётқизилган.
Айни вақтда жароҳатланганларнинг бир қанчаси оғир аҳволда қолмоқда.
Бугун Порт-Элизабеттдан Йоханнесбургга қараб йўл олган поездга Ҳенненман ва Крунстад аҳоли пунтклари ўртасидаги ҳудудда юк машинаси келиб урилди. Натижада бир неча вагонлар ағдарилди, воқеа жойида ёнғин келиб чиқди. Юк машинаси ҳайдовчиси автомобилни ўз вақтида тўхтата олмагани боис поезднинг биринчи ва иккинчи вагонларига келиб урилди. Гувоҳларнинг маълум қилишича, кучли зарбадан поезд вагонлари рельсдан чиқиб кетган.
