Россиянинг Нижний Новгород, Новосибирск, Екатеринбург ва Красноярск шаҳарлари аҳолисини мина қўйилганлиги тўғрисидаги аноним хабарлар ваҳимага солди, деб хабар берди Тjournal.ru нашри.
Шаҳарлардаги савдо марказлари, аэропортларга мина қўйилгани ҳақида аноним хабарлар келиб тушди. Новосибирск шаҳрида бешта савдо маркази, аэропортлар, Красноярск шаҳрида аэропорт, Екатерингбург шаҳрида учта, Ростов на-Дону шаҳрида бешта, Воронеж шаҳрида эса аноним қўнғироқ туфайли олтита савдо марказлари эвакуация қилинди. Бироқ уларнинг бирортасидан ҳам мина топилмади, фактлар тасдиқланмади. Бундан ташқари, Томск, Омск, Иркутск, Якутск ва Хабаровск шаҳарларида ҳам ёлғон аноним хабарлар келиб тушган.
