Ота-онамдан қолган уйда акам яшаб келмоқда. Менинг рўзғорим бўлак, турмуш ўртоғимнинг уйига «прописка» қилинганман. Айтингчи, васиятнома бўлмаса ҳам ота-онамга тегишли бўлган уйга меросхўр бўла оламанми ёки йўқ?
Исми сир тутилди.
Шахс мулкка нисбатан васиятнома қолдирмасдан вафот этган ҳолатларда унинг турмуш ўртоғи, фарзандлари, ота-онаси ва фарзандликка олинганлар биринчи навбатдаги ворис ҳисобланишади. Қонун бўйича сиз ота-онангизнинг меросхўри саналганингиз боис уйга нисбатан мерос гувоҳномасини расмийлаштириш учун мулк жойлашган ҳудуддаги давлат нотариал идорасига мурожаат этишингиз лозим.
Манба: «Sug'diyona» газетаси
