Мана, бунинг исботи.
- Жуда қаттиққўл ҳам, ниҳоятда кўнгилчан ҳам бўлманг. Олтин ўрталикни ушласангиз, сиздан яхши қайнона бўлмайди.
- Қизингизга ўзга хонадонда қандай муносабатда бўлишларини истасангиз, келинингизга ҳам шундай бўлинг. «Учирма бўлган» қизингизга ҳам, ўғлингизнинг ортидан хонадонингизга келган келинингизга ҳам аввал-бошданоқ ширинсўзлик билан «бу уйдаги гапни у уйга, у ердаги гап-сўзларни бу ерга олиб келманг», дея тушунтириб қўйинг.
- Қизингиз билан суҳбатда қайнонасининг гап-сўзларидан кир ахтарманг, суҳбатингиз уларнинг бир-бирига меҳрини оширишга хизмат қилсин.
- Келинларингиз бир нечта бўлса, адолат қилинг, одил ҳакам бўлинг.
- «Мен келинлигимда жуда қийналганман, қайнонам кўп қийнаган, келиним ҳам менинг чиғириғимдан ўтиши керак», дея ўтмишининг «қасд»ини келинидан оладиган, «ўғлимни онаси ўпмаган қизга уйлантириб қўяман» дейдиган қайноналардан бўлманг.
- Келинингизга меҳрли бўлинг, кексалигингизда у ҳам сизга минг чандон кўп меҳр билан «жавоб» қайтарсин. Болаларингизнинг бахту камолини кўриб, кексаликда ҳам қадр топиб яшаш насиб этсин!
- Манба: «SUG‘DIYONA» газетаси.
