"ВНЕШЭКОНОМБАНК" ЎЗБЕКИСТОН МИЛЛИЙ БАНКИГА 250 МИЛЛИОН АҚШ ДОЛЛАРИГАЧА БЎЛГАН КРЕДИТ ЛИНИЯЛАРИНИ ОЧАДИ
Россия Федерацияси ҳукумати раиси Дмитрий Медведевнинг Тошкентга ташрифи доирасида, 2017 йилнинг 2 ноябрь куни Ўзбекистон Миллий банки ҳамда "Внешэкономбанк" ўртасида ҳамкорлик тўғрисида Келишув имзоланди.
Бу ҳақдаги маълумот Ўзбекистон Республикаси Ташқи иқтисодий фаолият миллий банки сайтида эълон қилинган.
Келишув Ўзбекистон Республикасида энергетика соҳасидаги лойиҳаларни молиялаштириш учун Миллий банкка 10 йилгача бўлган муддатга 250 миллион АҚШ долларигача бўлган кредит линияларини очишни назарда тутади. Бу Россиянинг юқори технологияли энергия ускуналарини етказиб беришни ўз ичига олади. Лойиҳалар орасида "Сирдарё ИЭС энергоблокларининг модернизацияси" ва "Фарҳод ГEС" унитар корхонаси модернизацияси" кабилар бор.
Ушбу келишувга Ўзбекистон Республикаси президенти Шавкат Мирзиёевнинг Россия Федерациясига жорий йилнинг 4-5 апрель кунлари амалга оширган давлат ташрифи якунлари бўйича эришилди.
