Республика бўйича дастлабки маълумотларга кўра, 2017 йил 1 октябр ҳолатига мамлакатимиздаги доимий аҳоли 32511,9 минг кишини ташкил этди. Бу йил бошидан буён аҳолимизнинг 391,4 минг кишига ёки 1,2 фоизга ошганидан далолат. Бу ҳақда Давлат статистика қўмитаси маълум қилди.
Шунингдек, қўмита тақдим этган ҳисобот маълумотларига кўра, шаҳар аҳолисининг сони 16 451,9 минг кишини, яъни умумий аҳоли сонининг 50,6 фоизи ташкил этди, қишлоқ аҳолиси эса 16,060,0 минг киши, яъни 49,4 фоизни ташкил этган.
