-Айни дам эрим хорижда. Тўйдан сўнг ФҲДЁдан ўтамиз дегандик, имкони бўлмади. Турмуш ўртоғимнинг ёнига кетай десам, қонуний «ЗАГС»им йўқлиги панд бераяпти. Айтингчи, у кишининг паспорт нусхаси билан ФҲДЁдан ўтсам бўладими?
Сайёра, Тошкент вилояти
-Фукаролик ҳолати далолатномаларини қайд этиш Қоидаларининг V-банд 84-сонли қоидасига асосан Никоҳга кириш ҳақида аризани беришда шахсни тасдиқловчи ҳужжатлар: паспорт, харбий билет, офицер шахсий гувоҳномаси кўрсатилиши керак. Никоҳга кириш ҳақида ариза топширишда ва никоҳ қайд қилиш пайтида паспорт нусхасига асосан никоҳ қайд этилмайди.
Манба: «Sug'diyona» газетаси
