Гулимбой БОБОХОНОВ, ЛОР шифокор:
— Томоқ оғриғини қолдиришда маврак (шалфей) мойини тавсия этган бўлардик. Ярим стакан қайнатилган илиқ сувга тўрт томчи маврак мойини томизиб аралаштириш ва ҳар сафар овқатлангандан сўнг томоғингизни чайиш керак. Шунингдек, маврак ўсимлигининг қуритилганини чой ўрнида дамлаб, бир-икки чой қошиқдан ичсангиз ва томоқни шу сувда чайиб турсангиз, оғриқ камаяди ва бактериялар тарқалишининг олди олинади.
Унутмангки, томоқ оғриши билан кечадиган йирингли ангинада шифокор қабулига бормай туриб, томоқни чайиш тавсия этилмайди.
