Азиз эркаклар! Ростини айтинг-чи, қаршингизда турган аёлингизнинг гўзаллигига шубіа қилаяпсиз-а? Аввалги іуснининг асоратларини ундан излашингизни яширмай қўя қолинг. Аммо биз аёллар гапларингизга қарши чиққан іолда шуни айтмоқчимизки, рафиқангиз аслида аввалгидан-да гўзал, фақат ушбу гўзаллик белгиларини синчковроқ назар ташлаб илғаб олсангиз бас.
1. У сизни іар куни янги келинлик давридагидек ярақлаган либослар кийиб кутиб олмаяптими? Бор гап. Аммо бунинг боиси бирингизни икки қилиш учун ўзига ортиқча сарф-іаражатларни эп билмаганидан. Берган пулингизга фарзандларингиз ва сизга кийим-кечак харид қилиб, ўзини буткул унутиб қўяди.
2. Баъзида сочлари тўзиб ётади? Албатта тўзийди-да! Сиз ва фарзандларингиз учун ширин таом пишириб, қўли хамир қоришдан ортмай кунини ошхонада ўтказди ахир!
3. Сочларига оқ оралаган, энди у іам ёш эмас, демоқчисиз-а? Кечалари уйқусини бузиб, дилбандининг иситмаси тушишини кутиб, мижжа қоқмай чиқишнинг ширингина асоратлари-ку бу!
4. Кўзгуга боқиб, қоматидаги ўзгаришлардан нолиганини сездингизми? Унга тўққиз ой бағрида жажжи инсонни кўтариб юриб, дунёга келтирган аёл дунёдаги энг гўзал аёл эканини тушунтиринг.
5. Рашк қилган пайтида, аразлаганида ғазабдан кўзлари ёниб кетаяпти? Диққат билан қаранг-да, ахир унга шу жаіл іам ярашиб турибди. Қолаверса, у сизни яхши кўрганидан рашк қилаяпти. Севган аёлдан гўзали бормикан бу дунёда?
6. Йиғлайвериб кўзлари шишиб кетди? Нега йиғлайди? Ўзингиз уни йиғлатманг-да! Фарзандингиз хархаша қилса, дарров овутасиз-ку! Аёлингиз іам меірингиздан баіраманд бўлишга іақли. Дарров кўнглини олинг-чи!
7. Ростини айтинг, унинг тўлишгани сизга ёқмаяпти-а? Бир ўйлаб қаранг, бир қоп суякни нима қиласиз? Ундан кўра, суюкли рафиқангизга хушомад қилишни ўрганинг.
8. Кўп гапириши ёқмайди? Жим ўтириш эркак кишига ярашишини билиб қўйинг. Ундан кўра, телевизорни ярим соатга ўчириб, рафиқангизнинг гапларига қулоқ солинг. У іам кун-бўйи сизни кутган, соғинган... Гапларини айтиб бўлиб, ошхонасига кетади, кўрарсиз ўша футболни іам.
9. Қадимгиларнинг бир гапи бор: «бегона аёлни уйида кўр, хотинингни тўйда кўр». Бирор жойга меімонга кетаётган аёлингизга доим шундай гўзал юришини исташингизни айтиб қўйинг.
10. Қадрли эркаклар! Бахтингиз ўз қўлингизда! Фақат уни сайқаллаб, ўзингиз истаган шаклга келтиришингиз кифоя. Чиройли рақс шайдосимисиз? Ҳозир рақсни ўргатадиган курслар іар қадамда бор.
