25.11.2013 12:18
Ўзбекистон электрон почта маркаларини муомалага киритади
Ўзбекистон республикаси алоқа, ахборотлаштириш ва телекоммуникацион технологиялар Давлат қўмитаси 22 ноябр куни почта тўловларининг давлат белгилари тўғрисидаги Низомни
тасдиқлайдиган Қарорни имзолади.
Почта тўловлари Давлат белгилари халқаро ва ички оддий ва буюртма хат корреспонденцияларини жўнатиш учун оператор, почта алоқаси провайдерлари томонидан кўрсатилаётган почта алоқаси хизматларини тўлашга мўлжалланган.
Почта маркалари Бутунжаҳон почта конвенцияси, Ўзбекистон республикаси Конституцияси, Қонунлари ва бошқа меъёрий-ҳуқуқий ҳужжатлар талабларига мувофиқ бўлиши шарт дейилади Низомда.
Ҳужжатда айтилишича, маркалар ўзида Ўзбекистон республикаси халқлари маданий ва тарихий меъросини, флора ва фаунаси, билимлар борасида эришган ютуқлари ҳамда бошқа халқаро
ҳаётига оид ҳодисаларни акс эттириши керак.
Низом шунингдек Ўзбекистонда электрон маркаларни муомалага киритиш меъёрларини кўзда тутади. Электрон маркалар хабарларни жўнатишда ишлатилиши кўзда тутилган.
Электрон марка ягона идентификацион рақамга эга бўлиши ва жўнатилаётган почта хабаридаги керакли ахборотни ўз ичига олиши керак.
Ҳужжатга асосан, «Ўзбекистон почтаси» ОАЖ электрон маркаларни Ўзбекистон бўйлаб тарқатади.
Электрон маркани Интернет орқали ҳарид қилиш мумкин. У конверт устига стандарт дастурлар ёрдамида чоп этилади.
