70 ёшли польшалик Александр Доба (Alexander Doba) етти метрлик байдарка қайиғида Атлантика океанини сузиб ўтди, деб хабар берди Lenta.ru нашри.
Якшанба, 3 сентябрь куни қария Франциянинг Ле-Конке шаҳрида ўз саёҳатини якунлади. У 16 май куни АҚШнинг Нью-Жерси штатидаги Бэрнигет кўрфазидан йўлга сафарга отланган эди.
17 июнь куни байдарка қайиғининг рули қийшайиб қолгани маълум бўлди. Бироқ Добе таъмирлаш ишларини амалга ошириб, ўз йўлида давом этди.
Добе 2010 йилда байдарка қайиғида Атлантика океанини ёлғиз сузиб ўтган илк инсондир. 2013 йилда у яна океанни сузиб ўтиб, энг катта масофада байдаркада сузишни амалга оширган инсон сифатида рекорд ўрнатди.
