Facebook ижтимоий тармоғининг асосчиси бўлган Марк Цукербергнинг оиласида иккинчи қизалоқ дунёга келди, деб хабар берди Vesti.ru нашри.
Марк Цукерберг рафиқаси Присцилла Чан билан қизчани Август, деб аташга қарор қилди. Цукерберг тўнғич қизи Максимага мактуб битгани каби янги туғилган қизалоғига ҳам хат ёзди ва мазкур хатни ижтимоий тармоқларга жойлаштирди.
“Яна бир қизалоқли бўлганимиздан Присцилла иккаламизнинг бошимиз осмонга етди. Биз унинг соғ-саломат вояга етишига, биз орзу қилган инсон бўлиб улғайишига умид қиламиз”, деб ёзди Марк Цукерберг.
Фарзандли бўлганлиги муносабати билан ижтимоий тармоқ асосчиси бир ойлик декрет таътилига чиқишни режалаштирди. У илк фарзанди дунёга келганда ҳам шундай йўл тутган эди.
Цукерберг ва Присцилла бундан 14 йил муқаддам Гарвард университетида ўқиганда танишган. Улар 2012 йилда расман никоҳдан ўтган. 2015 йилда эса тўнғич фарзандлари Максима туғилган.
