Ўғирланган тож XIX асрга тегишли бўлиб, Лион музейида экспонат сифатида сақланган, деб хабар берди 5-tv.ru нашри.
У 1800 та қимматбаҳо тош ва марваридлар билан безатилган. Тождан ташқари, доимий экспозицияда бўлган узук ва кубок ҳам ўғирланган. Полициячиларнинг маълумот беришича, ўғрилик пухта режа асосида амалга оширилган. Ўғрилар ярим кечаси сигнализацияни ўчириш орқали бинога киришган. Тезкор хизматлар воқеа жойига зудлик билан етиб келганига қарамай, жиноятни иссиқ изидан фош этишнинг иложи бўлмади.
