“Евровидение-2017” қўшиқ танлови намойиш этилаётган жонли эфирда македониялик иштирокчи Яна Бурческа севган инсонидан турмушга чиқиш таклифини олди, деб хабар берди Russian.rt.com нашри.
Овозлар натижасини кутаётган Яна Бурческанинг ёнида ўтирган эркак, унинг қаршисида тиз чўкиб, ундан турмушга чиқишни илтимос қилди. Ҳаяжондан хонанда йиғлаб юборди ва йигитга розилигини билдирди. Танлов ташкилотчилари берган маълумотга кўра, бу ҳолат Евровидение тарихида жонли эфир пайтидаги илк турмуш қуриш таклифи экан.
