Парвоз вақтида самолётни портлатишни айтиб, ҳаммани қўрқитган эркак Миср полицияси томонидан текширилганда унинг ёнидан ўқ отар қуроли, портловчи модда топилмади, деб хабар берди Ntv.ru нашри.
Қоҳира халқаро аэропортида Жиддадан парвоз рейсини амалга ошираётган, Саудия Арабистонига тегишли бўлган Flynas авиакомпаниясининг самолётини портлатиш билан таҳдид қилган жиноятчи қўлга олинди. Экипаж ердагиларни самолёт бортидаги йўловчилардан бири авиалайнерни портлатмоқчи бўлаётганлиги ҳақида огоҳлантирди. Аэропорт кучайтирилган хизмат тартибига ўтказилди. Авиалайнер ерга қўниши билан махсус хизмат, тез ёрдам, ўт ўчириш машиналари етиб келди. Жиноятчи махсус хизмат ходимлари томонидан қўлга олиниб, салондан олиб чиқилди. Самолёт йўловчиларидан ҳеч ким жабрланмади, улар авиалайнердан соғ-саломат чиқишди. Қўлга олинган жиноятчи 61 ёшли Миср фуқароси эканлиги аниқланди. Йўловчилар у самолётга чиқмасдан илгари аэропортда юкининг оғирлиги туфайли божхоначилар билан жанжаллашганлигини маълум қилишди. Ҳозирда қўлга олинган шахс тиббий кўрикдан ўтказилмоқда.
