Александр Мочинов бош мураббийлигидаги Ўзбекистон U-18 терма жамоаси Грузия ёшларига қарши иккита ўртоқлик ўйини ўтказиш учун 1 май куни мамлакат пойтахти Тбилиси шаҳрига етиб келди.
ЎФФ матбуот хизматининг хабар беришича, 2 май куни Мочинов шогирдлари Грузия ёшлар термасига қарши ўртоқлик ўйинида майдонга тушди. Голлар ва қизил карточкаларга бой бўлган ўйинда Грузия U-18 термаси 4:2 ҳисобида ғалаба қозонди.
Ўзбекистон ёшлар термасидан голларга Худоёрхон Саъдуллаев ва Георгий Аҳмедов муаллифлик қилди. Жамоалар ўртасидаги навбатдаги ўртоқлик учрашуви 4 май куни бўлиб ўтади.
Эслатиб ўтамиз, мазкур ўртоқлик ўйинлари Ўзбекистон U-18 терма жамоаси учун 2018 йили бўлиб ўтадиган U-19 Осиё чемпионати саралаш босқичига тайёргарлик вазифасини ўтайди. Саралаш босқичи учрашувлари шу йилнинг 31 октябрь – 8 ноябрь кунлари ўтказилади.
Ўртоқлик учрашуви
Тбисили, Грузия
2 май, сешанба
Грузия U-18 – Ўзбекистон U-18 – 4:2
Голлар: Акаки Кимеридзе (4, 45), Бека Кавтарадзе (15), Михаил Эргемлидзе (54) – Худоёрхон Саъдуллаев (45), Георгий Аҳмедов (69)
Огоҳлантиришлар: Михаил Эргемлидзе (54), Жаба Касрелишвили (59), Тамаз Бабунадзе (90) – Абдулазиз Ёқубов (3), Иброҳим Йўлдошев (33)
Четлатишлар: Михаил Эргемлидзе (87), Тамаз Бабунадзе (90) – Иброҳим Йўлдошев (39)
