Иккинчи жаҳон уруши йилларида 15 нафар етим болаларни ўз паноҳига олган Шомаҳмудовлар оиласига қўйилган ҳайкал Тошкент марказига қайтмоқда.
Ушбу маълумотни бизга ҳокимиятга манбалар тасдиқлади. Уларнинг маълумотларига кўра, ҳайкални “Халқлар дўстлиги” боғига (собиқ Бобур) ўрнатиш режалаштирилган. "Водители Ташкента" телеграм-каналида ҳайкал олиб ўтилаётгани акс этган суратлар пайдо бўлди.
Эслатиб ўтамиз, темирчи Шоаҳмад Шомаҳмудов оиласининг ҳайкали ўзбек халқининг меҳр-муруввати тимсолига айланган бўлиб, 2008 йилнинг апрелида ўз жойидан кўчирилиб, Тошкент шаҳрига кираверишда ўрнатилганди.
Шомаҳмудовлар оиласини акс эттирган ҳайкалтарошлик композицияси 1982 йилнинг 26 май куни Халқлар дўстлиги саройи қаршисида очилган эди. Ҳайкалтарош - Д.Рябичев, архитекторлар - Л.Адамов, С.Адилов.
