British Airways компаниясига тегишли Лондондан Ямайкага парвозни амалга ошираётган самолёт йўловчилар ва экипаж аъзолари ўртасида жой талашиш туфайли жанжал кўтарилиши оқибатида Португалия ҳарбий базасига қўнишга мажбур бўлди, деб хабар берди Vesti.ru нашри.
Парвоз давомида Буюк Британиялик эр-хотин экипаждан уларни эконом-классдан биринчи класс жойига ўтказишни талаб қилди. Борт кузатувчилари уларнинг талабларини рад этгач, бортда жанжал кўтарилди. Натижада самолёт командири Португалия ҳарбий базасига қўнишга қарор қилди.
Самолёт бортида жанжал кўтарган эр-хотиннинг ҳаракатлари видеога олинди ва ўзлари билан бирга полиция қўлига топширилди.
