Хитойнинг Юньнань вилоятида яшовчи эр-хотин оламдан ўтганларидан кейин жасадларини дафн этиш учун уй ичига иккита сағана қуришди, деб хабар берди Ria.ru нашри.
Нашрнинг хабар беришича, ёши саксондан ошган эр-хотин бундан 30 йил илгари ўзлари яшаётган уй ичига иккита алоҳида сағана қурган эди. Сағананинг бири хонада, яна бири эса ётоқхонада барпо этилди. Қари жуфтликнинг фарзанди йўқ. Уларнинг меросхўрлари бўлмаганлиги сабабли улар уйдан сағаналарини қор-ёмғирдан, шамолдан асраш учун фойдаланишни ният қилишди. Эр-хотин улардан бири вафот этиб, уйга дафн этилгандан кейин ҳам иккинчисининг мазкур уйда яшашни давом эттиришига келишиб олишди.
