А-373 М-39 “Гулистон-Бўка-Ангрен-Қўқон-Андижон орқали-Ўш” автомобил йўлининг 243,7.(166,7).кмда (Наманган вилояти Поп тумани ҳудуди) водий йўналиши бўйича йўлнинг ўнг томонида 80 м баландликда мавсумий ёғингарчиликлар натижасида узунлиги 40 м га тенг кўчки ёриғи пайдо бўлган.
Шу боис, автоуловлар ҳаракатланишининг хавфсизлигини таъминлаш мақсадида, автомобил йўлининг 243,5 - 243,8 км ва 229,7 - 230 км оралиқларида Ўш йўналишидаги ярмида автотранспорт воситаларининг ҳаракатланиши вақтинча чеклатилиб, Тошкент йўналишидаги ярми орқали икки томонлама ҳаракат амалга оширилмоқда.
Ушбу ҳудудда хавф бартараф этилмагунга қадар ФВВ, ИИВ ЙПХ, “Қамчиқавтойўл” ходимларидан иборат туну-кун навбатчилик ташкил қилинди.
“Қамчиқ” давони орқали ҳаракатланганда эътиборга олишингизни ва хавфсизлик қоидаларига риоя этишингизни сўраймиз.
А-373 “Тошкент-Ўш” автомобил йўлининг 153 (230) км да ер кўчкиси билан боғлиқ содир бўлиши мумкин бўлган фавқулодда вазиятларнинг олдини олиш мақсадида “Қамчиқавтойўл” ИЙФК ходимлари билан ҳамкорликда хавфсизлик чораларини кўрган ҳолда “Диққат тупроқ кўчиш хавфи бор”, “Тўхташ мумкин эмас” ва “Тўхтаб туриш таъқиқланади” йўл белгилари ўрнатилди ҳамда хавфсизлик нуқтаи назардан икки томонлама ҳаракат йўлнинг бир томонига ўтказилди.
Хавфсизлик қоидаларига риоя қилишингизни сўраймиз.
