Англия Кубоги мусобақасининг биринчи ярим финалида “Челси” жамоаси “Тоттенхэм” футболчиларига қарши баҳс олиб борди.
“Уэмбли” стадионида кечган ўйинда “Челси” 4:2 ҳисобида ғалаба қозониб, финал йўлланмасини қўлга киритиш уддасидан чиқди.
Учрашув бошидаёқ Виллиан мезбонларни олдинга олиб чиққан бўлса, 18-дақиқада Харри Кейн мувозанатни тиклади. Биринчи бўлим сўнггида Виллиан пенальтини аниқ бажариб, ўзининг ва жамоасининг иккинчи голига муаллифлик қилди.
Учрашувнинг 52-дақиқасида Дели Алли яна ҳисобни тенглаштиришга эришди. Бироқ, орадан кўп ўтмай яъни 75-дақиқада Эден Азар ҳисобни 3:2 кўринишига келтирган бўлса, беш дақиқадан сўнг Матич учрашувга мантиқий нуқтани қўйган голга муаллифлик қилди.
Шу тариқа ушбу ғалабадан сўнг “Челси” Англия Кубоги биринчи финалчисига айланди. Иккинчи финал йўлланмаси учун “Арсенал” ва “Манчестер Сити” баҳс олиб боради.
Англия Кубоги. 1/2 финал
Челси – Тоттенхэм 4:2
Голлар: 1:0 – 5 Виллиан, 1:1 – 18 Кейн, 2:1 – 43, пенальти Виллиан, 2:2 – 52 Алли, 3:2 – 75 Азар, 4:2 – 80 Матич.
Челси – Куртуа, Давид Луиз, Аке, Алонсо, Аспиликуэта, Матич, Мозес, Виллиан (Азар, 61), Канте, Педро (Фабрегас, 74), Батшуайи (Диего Коста, 61).
Тоттенхэм – Льорис, Алдервейрелд, Вертонген, Триппьер, Эриксен, Дембеле, Ваньяма (Нкуду, 80), Дайер, Алли, Сон Хин Мин (Уокер, 68), Кейн.
Огоҳлантиришлар: Алдервейрелд (4), Алонсо (45), Алли (73).
