Тошкент шаҳар Яккасарой туманида ташкил этилган сайёр қабулда аҳоли мурожаатлари батафсил ўрганилиб чиқилди, деб хабар беради ЎзА.
Жумладан, Яккасарой туманида 20 йилдан бери ижарада яшовчи автобус ҳайдовчиси мурожаати асосида уй билан таъминланди.
“Сергели туманидаги ‘12-автобус саройи’да ҳайдовчи бўлиб ишлайман, икки фарзандим бор, йигирма йилдан бери ижарада яшаб юргандик. Президентимизнинг Виртуал қабулхонасига уй олиш масаласида мурожаат қилгандим. Мана, бугун оиламизга имтиёзли ипотека кредити асосида Сергели туманида қурилаётган кўп қаватли уйлардан икки хонали квартира беришди. Оиламизнинг кўп йиллик муаммоси ҳал бўлди. Бу кунларни бир умр унутмаймиз”,— дейди Васлиддин Тоғаев.
