Канар оролларидан бирида Гран-Канария–Тенерифе йўналиши бўйича йўлга чиққан паром пристанга келиб урилди, деб хабар берди Ria.ru нашри.
Лас-Пальмас бандаргоҳидан йўлга чиққан паромда бирдан электр чироқлари ўчиб қолиши натижасида двигатель ишламай қолди. Оқибатда сув оқими паромни пристанга олиб келиб урди. Паром бортида 140 нафар одам бўлган. Тўқнашув оқибатида уларнинг баъзилари енгил тан жароҳати олди. Ҳодиса туфайли паром ҳам, пристан ҳам жиддий шикастланди. Воқеа жойида полиция ва фавқулодда хизмат ходимлари иш олиб бормоқда.
