Бола бейсбол тўпининг зарбасидан “ҳушидан кетган Аллигаторга” ёрдам беришга шошилди, деб хабар берди Tjournal.ru нашри.
“Флорида Гейторс” бейсбол клубининг рамзий тумори бўлган Альберт номли “аллигатор” ёнидаги болани бейсбол тўпининг зарбасидан асраб қолди. Мазкур роликка CBSSports нашри эътибор қаратди. Оқибатда бошига тўп теккан “аллигатор” ёлғондан “ҳушидан кетди”. Ундан миннатдор бўлган бола дарров ёрдамга шошилиб, “аллигатор”нинг юрагини массаж қилишга киришди.
