Аввал хабар берганимиздек, бугун Ўзбекистон Президенти Шавкат Мирзиёев давлат ташрифи билан Туркманистонга жўнаб кетди.
Шавкат Мирзиёев учун бу Ўзбекистон Президенти сифатида илк хорижий ташриф бўлди. Ўз ўрнида у Гурбангули Бердимуҳаммедовнинг учинчи бор мамлакат президенти этиб сайланганидан кейинги илк юқоримартабали меҳмони бўлади.
Ташриф доирасида стратегик ҳамкорлик тўғрисида, ҳар соҳада ҳамкорликни ривожлантириш бўйича иккитомонлама ҳужжатлар имзоланиши кўзда тутилган.
СA-news берган хабарга кўра, Шавкат Мирзиёев Турманистоннинг Туркманобод (Чоржў) шаҳрида Ўзбекистоннинг Биринчи Президенти Ислом Каримов ёдгорлик мажмуасининг очилишида ҳам қатнашади.
