Қатар Юлдузлар Лигаси 23-турида Ўзбекистон МТЖ аъзоси Сардор Рашидов тўп сураётган “Ал-Жаиш” жамоаси сафарда “Ал-Муайдар” меҳмони бўлди.
Мазкур беллашувда “Ал-Жаиш” 2:1 ҳисобида иродали ғалабага эришди. Ўйиннинг 50 дақиқасида мезбонлар вакили Удрасси пенальтидан ҳисобни очган бўлса, 5 дақиқадан кейин Рашидов мувозанатни тиклади.
80 дақиқада Сейду Кейта “Ал-Жаиш”га уч очко келтирган гол муаллифи бўлди. Мазкур ғалабадан кейин Рашидов жамоаси учинчи ўринга чиқиб олди.
