“Барселона” клуби ҳимоячиси Жерар Пике киберспорт соҳасига қизиқиб қолди ва ўзининг киберспорт лойиҳасини ташкил этмоқчи, деб хабар бермоқда Marca.
Футболчининг сўзларига қараганда, у 6 ой муқаддам киберспорт ҳақида тасаввурга эга бўлган ва шу йўналишда иш олиб боришга қарор қилган.
Қайд этиш керакки, “Реал” ҳужумчиси Криштиану Роналду ҳам киберспорт билан шуғулланади. Португалиялик футболчи CNB E-sports акцияларининг маълум қисмини сотиб олган. Пике эса бу соҳада ўзгача янгилик киритмоқчи, аммо бу ҳақда батафсил тўхталмаган.
